Asosiy qismga oʻtish

2-bob · Toʻlov va balans

Kunlik toʻlov va hosting toʻxtatilishi

Hosting uchun pul qanday yechiladi, mablagʻ tugasa nima boʻladi va toʻxtatilgan hostingni qanday tiklash mumkin.

2 daqiqada oʻqiladi

Shu sahifada
  1. Pul qayerdan yechiladi
  2. Mablagʻ tugasa nima boʻladi
  3. Toʻxtatilgan hostingni tiklash
  4. Maslahatlar
  5. Buyurtmani oʻchirish yoki boshqa foydalanuvchiga berish

goxost.net saytida hosting uchun oylik yoki yillik toʻlov yoʻq — tarif narxi har kuni buyurtma hisobidan yechiladi. Qancha kun ishlatsangiz, shuncha toʻlaysiz.

Pul qayerdan yechiladi

Har bir oddiy hosting buyurtmasining oʻz hisobi bor. Uning qoldigʻi Xizmatlar → Hostinglarim sahifasida, buyurtma kartochkasidagi «Balans / Toʻlov» qatorida koʻrinadi.

  • Kuniga bir marta shu hisobdan tarifning kunlik narxi yechiladi.
  • Hosting yana necha kun ishlashini taxminan shunday hisoblang: buyurtma hisobidagi summa ÷ tarifning kunlik narxi.
  • Buyurtma hisobini asosiy balansdan Buyurtma hisobini toʻldirish tugmasi orqali toʻldirasiz (eng kami 1 000 soʻm).
  • Tarif narxi oʻzgarsa, yangi narx keyingi kunlik yechimdan boshlab qoʻllanadi.

Konstruktor hostingda alohida buyurtma hisobi yoʻq — kunlik toʻlov toʻgʻridan-toʻgʻri asosiy balansingizdan yechiladi.

Mablagʻ tugasa nima boʻladi

  1. Navbatdagi kunlik toʻlov paytida buyurtma hisobida kunlik narxdan kam pul qolsa, hosting toʻxtatiladi — buyurtma holati Toʻxtatilgan boʻladi va saytlar ishlamay qoladi.
  2. Fayllar va bazalar darhol oʻchirilmaydi, ular yana 7 kun saqlanadi.
  3. Agar 7 kun ichida buyurtma qayta faollashtirilmasa, buyurtma hosting bilan birga — undagi barcha fayllar, bazalar va pochta bilan — oʻchiriladi.

Toʻxtatilgan hostingni tiklash

  1. Asosiy balansingizni toʻldiring (Moliya → Balans → Hisobni toʻldirish).
  2. Xizmatlar → Hostinglarim boʻlimida toʻxtatilgan buyurtmadagi Buyurtma hisobini toʻldirish tugmasini bosing.
  3. Summani kiriting va Toʻlovni amalga oshirish tugmasini bosing.

Toʻlovdan keyin hosting avtomatik qayta yoqiladi va holat Aktiv boʻladi. Kamida bir necha kunlik summa kiriting — aks holda keyingi kunlik toʻlovda hosting yana toʻxtab qoladi.

Agar toʻlovdan keyin hosting yoqilmasa, Yordam markazida murojaat qoldiring va buyurtma raqamini yozing.

Maslahatlar

  • Buyurtma hisobini oldindan, bir necha kun yoki hafta uchun toʻldirib qoʻying.
  • Muhim fayl va bazalarning nusxasini oʻzingizda ham saqlang.

Buyurtmani oʻchirish yoki boshqa foydalanuvchiga berish

  • Oʻchirish tugmasi hostingni barcha fayllari bilan butunlay oʻchiradi. Buyurtma hisobida qolgan pul asosiy balansga qaytarilmaydi — shuni hisobga oling.
  • Doʻstga oʻtkazish tugmasi buyurtmani boshqa foydalanuvchiga uning foydalanuvchi nomi yoki e-pochtasi orqali beradi. Oʻtkazgandan keyin bu buyurtmani boshqarish huquqini butunlay yoʻqotasiz.
Maqola foydali boʻldimi?

Javob topmadingizmi?

Murojaat yuboring — mutaxassis hisobingizni koʻrib, javob beradi.