1-bob · Tekshiruvdan oʻtuvchilar uchun
Shaxsni tasdiqlashdan qanday oʻtiladi
GOXOST KYC orqali shaxsingizni tasdiqlash bosqichlari va suratlar aniq chiqishi uchun maslahatlar.
Shu sahifada
GOXOST KYC orqali shaxsingizni tasdiqlashni sizdan biror xizmat (bank, doʻkon, ilova) soʻraydi. Xizmat sizga havola beradi yoki tekshiruvni oʻz sayti yoki ilovasi ichida ochadi. Tekshiruv odatda 2–3 daqiqa oladi.
Boshlashdan oldin tayyorlang
- Asl hujjatingiz. Qabul qilinadigan hujjatlar roʻyxati tekshiruv ekranining oʻzida koʻrsatiladi: avval hujjat bergan davlatni tanlaysiz, keyin shu davlat uchun mos hujjatlar chiqadi.
- Kamerasi bor telefon. Telefon kamerasi bilan suratlar aniqroq chiqadi va tekshiruv tezroq oʻtadi.
- Yorugʻ joy. Yorugʻlik oldingizdan tushsin, orqangizda deraza boʻlmasin.
- Barqaror internet. Aloqa uzilsa, bajarilgan qadamlar saqlanadi — tarmoqni tekshirib, qayta urinib koʻrasiz.
Tekshiruv bosqichlari
- Telefonga oʻtish (faqat kompyuterda). Havolani kompyuterda ochsangiz, ekranda QR kod chiqadi. Telefon kamerasini QR kodga qarating va chiqqan havolani oching. Natija kompyuter ekranida ham koʻrinadi.
- Rozilik. Ekranda tekshiruvni qaysi loyiha va qanday maqsadda soʻrayotgani koʻrsatiladi. «Shaxsimni tasdiqlashga va maʼlumotlarim qayta ishlanishiga rozilik bildiraman» belgisini qoʻyib, Boshlash tugmasini bosing.
- Hujjat. Hujjat bergan davlatni va hujjat turini tanlang, soʻng Davom etishni bosing. Pasportning rasmli sahifasini yoki ID-kartaning old va orqa tomonini suratga oling. Suratni koʻrib chiqing: hammasi tiniq boʻlsa Ha, yuborish, aks holda Qayta olishni bosing.
- Yuz. Kamerani yoqishni bosing va ekrandagi koʻrsatmalarni sekin bajaring. Bu bosqich taxminan 20 soniya oladi.
- Natija. Tekshiruv odatda bir daqiqadan kam vaqt oladi. Bu vaqtda sahifani yopmang.
Hujjatni suratga olish boʻyicha maslahatlar
- Hujjatni tekis joyga qoʻying, u kadrga toʻliq kirsin, burchaklari kesilmasin.
- Yaltiroq va soya tushmasin. Yaltiroq boʻlsa, hujjatni biroz qiyshaytiring.
- Barcha yozuvlar va hujjatdagi fotosurat tiniq koʻrinsin.
- Fayldan yuklasangiz, JPG yoki PNG rasm tanlang (25 MB gacha).
Yuz bosqichi boʻyicha maslahatlar
- Yorugʻ joyda turing, yorugʻlik yuzingizga tushsin.
- Telefonni yuz balandligida ushlang.
- Koʻzoynak va bosh kiyimni yeching.
- Kadrda faqat siz boʻling.
Muammo chiqsa, «Kamera va havola bilan bogʻliq muammolar» maqolasini oʻqing.