Asosiy qismga oʻtish

2-bob · Hisob xavfsizligi

Qurilmalar va kirish tarixi

Hisobingizga qaysi qurilmalardan kirilganini koʻrish va keraksiz qurilmalarni chiqarish.

1 daqiqada oʻqiladi

Shu sahifada
  1. Qurilmalar
  2. Bitta qurilmani chiqarish
  3. Boshqa barcha qurilmalardan chiqish
  4. Kirish tarixi
  5. Notanish qurilma yoki urinishni koʻrsangiz

Hisob → Xavfsizlik sahifasida hisobingizga hozir kirilgan qurilmalarni va oxirgi kirish urinishlarini koʻrishingiz mumkin.

Qurilmalar

Qurilmalar boʻlimida hozir hisobingizga kirilgan brauzerlar roʻyxati chiqadi: qurilma, IP manzil va Oxirgi faollik vaqti. Siz hozir foydalanayotgan brauzer Shu qurilma deb belgilangan.

Bitta qurilmani chiqarish

  1. Roʻyxatdan kerakli qurilmani toping.
  2. Chiqarish tugmasini bosing va tasdiqlang.

Shu qurilmadagi seans darhol yopiladi. Hozirgi qurilmangizni bu yerdan chiqarib boʻlmaydi — buning uchun menyudagi Chiqish tugmasidan foydalaning.

Boshqa barcha qurilmalardan chiqish

  1. Qurilmalar boʻlimi ostidagi Joriy parol maydoniga parolingizni kiriting.
  2. Boshqa qurilmalardan chiqish tugmasini bosing.

Hozirgi qurilmadan tashqari barcha seanslar yopiladi, boshqa qurilmalardagi «Meni eslab qol» ham bekor qilinadi.

Kirish tarixi

Kirish tarixi boʻlimida oxirgi 20 ta kirish urinishi koʻrsatiladi: vaqt, qurilma va natija.

Natija Maʼnosi
Kirildi Muvaffaqiyatli kirish
Notoʻgʻri parol Parol xato kiritilgan
Notoʻgʻri kod Ikki bosqichli kirish kodi xato kiritilgan
Bloklangan Bloklangan hisobga kirishga urinilgan

Notanish qurilma yoki urinishni koʻrsangiz

  1. Darhol parolni oʻzgartiring — boshqa barcha qurilmalardagi seanslar avtomatik yopiladi.
  2. Ikki bosqichli kirishni yoqing.
  3. Ulangan xizmatlar boʻlimida keraksiz xizmatlarni uzing.
Maqola foydali boʻldimi?

Javob topmadingizmi?

Murojaat yuboring — mutaxassis hisobingizni koʻrib, javob beradi.