API kalitlari va test rejimi
sk_test va sk_live kalitlarini yaratish, almashtirish va sandboxʼda test kartalar bilan sinash.
Shu sahifada
Har bir kassada ikki mustaqil muhit bor: Test va Live. Rejimni kalit belgilaydi: sk_test_… bilan yaratilgan har bir obyekt test rejimida, sk_live_… bilan — live rejimida yashaydi.
Test va Live farqi
| Test | Live | |
|---|---|---|
| Kalit | sk_test_… |
sk_live_… |
| Pul | Haqiqiy pul harakatlanmaydi | Haqiqiy kartadan yechiladi, kassa balansiga tushadi |
| Kirish | Kassa tasdiqlanishidan oldin ham ishlaydi (email tasdiqlangan, kassa bloklanmagan boʻlishi kerak) | Faqat tasdiqlangan, faol kassa; IP oq roʻyxati qoʻllanadi |
expires_in |
300–86 400 soniya, standart 1 800 | 300–900 soniya, standart 900 |
Rejimlar toʻliq ajratilgan: test kalit live obyektlarni koʻrmaydi va aksincha.
Kalit yaratish
- Dasturchilar boʻlimini oching va kassani tanlang.
- Kerakli rejimga oʻting (Test rejimga oʻtish yoki Live rejimga qaytish). Test rejimda yuqorida «Test rejim — haqiqiy pul yoʻq» yozuvi koʻrinadi.
- API kalitlar sahifasida ixtiyoriy nom kiriting va Kalit yaratish tugmasini bosing.
- Kalitni darhol nusxalang — u boshqa koʻrsatilmaydi.
Almashtirish va bekor qilish
- Almashtirish — yangi kalit yaratiladi, eskisi 24 soatdan keyin ishlamay qoladi.
- Bekor qilish — kalit darhol ishlamay qoladi.
Kalit holatlari: Faol, Almashtirildi, Muddati tugagan, Bekor qilingan.
Maxfiy kalitni brauzer kodiga, mobil ilovaga yoki ochiq repozitoriyga qoʻymang — faqat serveringizda saqlang. Kalit sizib chiqsa, uni darhol almashtiring.
Sandbox va test kartalar
Test kalit bilan yaratilgan toʻlovning checkout_url havolasi sandbox toʻlov sahifasini ochadi. Unda haqiqiy karta va pul ishlatilmaydi.
| Karta raqami | Natija |
|---|---|
| 8600 0000 0000 0001 | Muvaffaqiyatli (Uzcard) |
| 9860 0000 0000 0001 | Muvaffaqiyatli (Humo) |
| 8600 0000 0000 0002 | failed, kod insufficient_funds |
| 8600 0000 0000 0003 | failed, kod card_declined |
| 8600 0000 0000 0004 | failed, kod expired_card |
- Amal qilish muddati — istalgan kelajakdagi sana (masalan,
12/30). - SMS kod har doim
111111. 3 marta xato kiritilsa, toʻlovfailed(otp_attempts_exceeded) boʻladi. - Boshqa raqamlar «Bu test karta emas» xatosini beradi.
Brauzersiz avtomatik test uchun (faqat sk_test_ kalit bilan, faqat pending toʻlovga):
POST /api/v3/test_helpers/payments/{id}/succeed
POST /api/v3/test_helpers/payments/{id}/fail
Test toʻlovlar va hodisalar Dasturchilar → Test toʻlovlar va Hodisalar sahifalarida koʻrinadi. Barcha API soʻrovlari Soʻrovlar jurnali sahifasida turadi.
Liveʼga oʻtish
Hammasi ishlagach va kassa tasdiqlangach, sk_test_ kalitni sk_live_ kalitga almashtiring — kodni oʻzgartirish shart emas.